Reality show The 50 apne grand premiere ke saath hi spotlight mein aa gaya tha, lekin day 3 ka episode ne show ko full-on controversy mode mein daal diya. Sapna Choudhary aur content creator Adnan Sheikh ke beech hui zabardast fight ab social media par aag ki tarah phail rahi hai. Fans Adnan ke ek comment ko misogynistic bata kar jamkar troll kar rahe hain.
Kuch din pehle hi show ka grand premiere hua tha, jisme 50 popular faces ne entry li. Pehle din se hi twists, drama aur heated arguments dekhne ko mile, lekin teesre din ka bawaal sabse zyada shocking raha.
Promo Mein Dikha High-Voltage Drama
JioHotstar ne Instagram par show ka promo share kiya, jisme Sapna aur Adnan ke beech teekhi behas hoti nazar aayi. Promo ki shuruaat host ‘Lion’ ke announcement se hoti hai, jahan woh batate hain ki game mein 40 save cards hain—kuch players safe honge aur kuch danger zone mein.
Isi dauran Sapna, Arbaad par tanz karti hain aur kehti hain ki usne 5–6 cards khairaat mein baant diye, saath hi challenge karti hain—“Bahaar jaakar kamane ka dum nahi hai kya?”
Yeh baat Adnan ko buri lagti hai aur woh gusse mein keh dete hain—“Chal ae, nikal yahan se.”
‘Aurat Hai Aurat Ki Tarah Reh’ Statement Ne Badla Game
Behas aur tez ho jaati hai aur Sapna bhi gusse mein palatkar jawab deti hain. Isi beech Adnan keh dete hain—
“Mardon ki tarah gaali kyun de rahi hai? Aurat hai, aurat ki tarah reh.”
Bas, yahin se fans ka patience toot gaya. Sapna ne bhi bina ruke strong reply diya—
“Mujhe mat sikha main aurat hoon ya mard. Tu toh kuch bhi nahi hai. Roz tere jaise mardon ko dekhti hoon.”
Reddit Aur Social Media Par Futa Gussa
Is clip ke viral hote hi Reddit aur Instagram par log bhadak uthe.
Ek user ne likha, “2026 mein national television par aisi soch? Show ka standard bilkul gir chuka hai.”
Dusre ne comment kiya, “Adnan ka behaviour bahut hi cheap aur immature hai.”
Kai logon ne yeh bhi kaha ki “aurat hona” ko insult ki tarah use karna sharmnaak aur disappointing hai, aur aise remarks ko reality shows mein promote nahi kiya jaana chahiye.
Such patriarchal and misogynistic remarks on national television in 2026? The standard of this reality show is below ground
byu/Asleep_Flower2200 inThe50IN
0 Comments